Capreau

Le Capreau

Le Capreau est un quartier de Wasquehal ayant inspiré à Serge Ripoche un poème en patois picard.

A min camarate deuch’ lits bleus qu’j’aimeros bin ertrover

L’temps i est d’où, malheureusemint

Où qu’in pouvot vire des gamins

A cloche-pids, l’long des p’tits rucheaux

Aller vers l’école de ch’capreau

Dins ces infants du même villache

Qui avottent à peu près eul même ache

Y’n d’avot deux ch’étot nous autes

Bin camarates… ouais… des vrais potes !

L’bon momint ch’tot eul’récration

Pour jeuer à mapes ou à saute-moutons

Des mapes… y’n d’avot plein nos poches

I f’’sottent des tros et pis des boches !

Mais un jour à l’fos in grindit

Tout’in sagesse cha ch’est vite dit…

Et tout firs d’ête des grands jeunes gins

In oublie vite nos jeux eud’gamins

Mais ch’temps qui sait si bin compter

L’une après l’aute toutes les années

Un biau matin, comme un cadeau

Y nous met cinquante ans su’l’dios

Alors ti-autes qui’etes tous mouflets

Pinsez bien fot à vos ainés

Qui comme vous-autes aurottent aimé

Pouvoir passer leu vie à jeuer

Ce document provient de « Le Capreau ».